Çewlîg de deyrê HDPyî vera ame tepiştene

Polîsan bajarê Çewlîgî de wesayîto ke xebatê weçînitişî yê HDPyî rayîr berdêne rê 324 TL cezaya pere birîna. Şoforê wesayîtî zî deyrê HDPyî yê ‘Bicuye Bicuye HDP’ û çekuya deyre ‘Kurdistan’ vera ametî tepiştiş

Xeylê bajaran xebatê weçînitişê herêmî dewam kenî. HDP zî dew bi dew û qeza bi qeza xebatê weçînitişî dewam keno. Rêxistinê HDPyî yê Çewlîgî zî seba eynî waştişan lez dayo xebatanê xo bêmaben xebetîyeno. Wesayîtê ke vengê weçînitişî yê HDPyî kenî raştê astengîya polîsan yenî. Polîsan  10 wesayîtê weçînitişî yê HDPyî ke fotografê namzedê hemşaredarîye piro aliqnayebî rê û 3 wesayîtan rê her yew 108 TL û pêropîya 324 TL cezaya pere birna. Polîsan bi mehneya reklamê ke wesayîtî ser de ameyî aliqnayîş bi ruhsat nîyî û no zî suc o, ceza birna.

Polîsan wesayîtê weçînitişî yê HDPyî vindarna û bi mehneya deyrê HDPyî yê ‘Bicuye Bicuye HDP’ û çekuya deyre ‘Kurdistan’ vera şofor Mursel Karasuyî tepiştî. Polîsan şofor berdî Mudirîya Polîsan ya Çewlîgî. Karasu badê îfadedayîşî serbest ame veradayene.

Hemserekê HDPyî yê Qezaya Merkezî ya Çewlîgî Zeynel Barlasî zî reaksîyon nîşanê rewşe da û dîyar kerde ke vîşêrê înan bajar de 9 partîyê sîyasî xebatanê xo yê weçînitişî rayîr benî, labelê tena partîya înan raştê astengîyê polîsan yena. ÇEWLÎK

Dikarî Biecibînî