HDP Bongilanî yê Çewlîgî de buroyê weçînitişî akerd 

Qezaya Bongilanî ya Çewlîgî de HDPyî bi eleqedarîya girde buroyê xo yê weçînitişî akerd

Qeza Kanîreş ra dima Bongilan de zî bûryoyê HDPyî bi coşekê girdî ame akerdene. Hemwelatijê ke tewrê akerdişî bîyî mesajê paştdayîşî dayê.

Bongilan de bi tewrbîyayîşê parlamenterê HDPyî yê Çewlîgî Erdal Aydemîr, namzedanê hemşaredarîye ya qeza  Ayşe Kaya û Mehmet Siddik Çelîker, hemserêke partî yê qeza Ubeyt Ozer û sereko verên ê merkezî Nîyazî Azak buroyê weçînitişî ame akerdene. Şarê Bongilanî zî bi eleqadarîya girde paştdayîşê xo ramot.

Akerdiş de Erdal Aydemîr xoverdayîşê grevê vêşanîye şexsê Leyla Guvene de silam kerd û waşt ke şar no xoverdayîş rê wayîr bivejo. Aydermîrî reyna bale ante polîtîkaya hêrişkare ya hukmatî ya ke şar visto tengayîye û vat ke no weçînitiş semedê  xelisyayîşê şarî şansêko gird o. Namzedê hemşaredayîye ya qeza  Ayşe Kaya û Mehmet Siddik Çelîkerî ard ziwan ke ê bi projeyanê xo do şarê Bongilanî rê xizmet bikerî û waştişanê înan bica bîyarê. Heyetê HDPyî bado zî qeza ra gêrayî esnafî zîyaret kerdî û problemê înan goştarî kerdî. Hemwelatijan parlamenter û namzedê HDPyî bi heskerdiş peşwezî kerdî. ÇEWLÎG

This slideshow requires JavaScript.

Dikarî Biecibînî