Dewijan reaksîyon nîşanê tehdîdê qeymaqamî da

Dewa Hacikaşî ya Ercîşî ke namzedê hemserekîya Şaredarîye yê HDPyî şîbî zîyaretê ci hemverê aye de hetê qaymeqamî ra gefî ameyî wendene. Dewijan zî va: “Ma do reya xo bidê HDPyî.”

HDP nê rojanê ke mudetêko tay mendo weçînitişan rê merkezê Ercîşî û dewanê ci de destekêkê pîlî vîneno. Namzedê hemserekîya Şaredarîya Ercîşî yê HDPyî Yildiz Çetîne û Mahmût Pala, çarçewaya xebatanê weçînitişî de her cayê ke zîyaret kenê de bi hawayêkê kîtlekîyî yenê pêşwazîkerdene; zîyaretî hewayê mîtîngan de ravêrenê.

Dewa Hacikaşî ya ke herêma Gelîyê Zîlanî de ya her weçînitişî de ûca ra HDPyî rê bi nisbetêkê berzî reyî vejênê. Dewa Hacikaşî ya ke bi serran o binê tedaya dewlete de ya, rixmê heme tedayan de 31ê Adare de xo newe ra kena hadre ke vajo ‘HDP’.

Desteko pîl ê dewijan yê seba HDPyî qaymeqamê Ercîşî Nûrî Mehmetbeyogluyî kerd mîyanê qesawetî. Qaymeqam dimayê zîyaretê HDPyî ra tavilî şi Hacikaş. Gama ke eleqedarîya pîle ya ke ramojîya HDPyî nêramojîya qaymeqam Mehmetbeyogluyî hêrs bi û gefê sey ‘Eke 31ê Adare de HDPyî rê yew reye zî vejîyo ez do dewijanê ke sazîyanê dewlete de şuxulênê kar ra bierzî’ wendî.

Qaymeqam Nûrî Mehmetbeyoglu tewrê leşkeran şî dewe

Dewijan zî va: “Namzedê HDPyî dewa ma de bi hewayê mîtîngî ameyî pêşwazîkerdene. Ma sey şarê dewe ramot ke ma kîşta HDPyî de yê. Dimayê zîyaretê HDPyî ra tavilî qaymeqamê Ercîşî Nûrî Mehmetbeyoglu pîya bi leşkeran ame dewa ma. Dewe de çewî qaymeqam û heyetê ci rê eleqe nêmot ra. Gama ke qaymeqamî no dî, ma dewijan rê gefî wendî. Ma do tîya heqê xo yê demokratîkî bişuxulnê. Weçîntişî nê welatî de qanûnî nêyê? Ma do sey şarê dewe reya xo bidê HDPyî.” WAN

Dikarî Biecibînî