Afîşê HDPyî bi qerarêko skandal ameyî arêdayene

Riha de mahkeme afîşê HDPyî yo ‘Vera Şerî Haştîye’ sey ‘Şerî ra dima haştîye ya ma ya’ açarna û qerarê arêdayîşî da. HDP’yî vera qerarî îtaraz kerd

Riha de afîşê Partîya Demokratîke ya Şaran (HDP) yê ke seba weçînayîşanê cayîyan ê 31ê Adare bilboardan ra ameyî dardkerdene û ser o “Vera Şerî Haştîye” ameyo nuştene, netîceyê açarnayîşê skandalî de bi qerarê mahkeme ameyî arêdayene.

Hakîmîya Cezaya Sulhî ya 2ine ya Riha, serê waştişê dozgerîye afîşê ‘Vera Şerî Haştîye’ sey ‘Şerî ra dima haştîye ya ma ya’ açarna û semedê îxlalkerdişî madeya TMKî ya 7ine ra pêroyê bajarî de qerarê arêdayîşê afîşan da. Dimayê qerarê hakîmîye afîşê ke merkezê bajarî û qezayanê ci de ameyê dardkerdene, şewe hetê polîsan ra ameyî arêdayene.

HDPyî vera qerarê arêdayîşê afîşan îtaraz kerd û waşt ke kes o ke afîş açarnayo bero cazekerdene. RIHA 

Dikarî Biecibînî