HPGyî Serhedî de da konvoyê wesayîtanê zirxinan ro

Gerîlayanê HPG û YJA Starî, serê rayîrê Bazîd-Îdirî de da konvoyê wesayîtanê zirxinan ê artêşa Tirkî ro. Gerîlayan derbeyê giranî dayî wesayîtêkê zirxinî yê bi tîpê kîrpîyî ro

Merkezê Çapemenî û Îrtîbatî yê HPGyî derheqê çalakîyanê gerîla û hêrişanê hewayî yê artêşa Tirkî de eşkerayîyêk daye.

Eşkerayîye wina ya: “Çarçewaya Hemleya Serkewtişî ya Şorişgêrî ya ke Eyalete Serhadî de yena domnayene de, hêzanê ma 13ê Nîsane (vizêrî) saete 10:00 de serê rayîrê Bazîd-Îdirî de vera konvoyêkê  wesayîtanê zirxinan a artêşa TCyî ya îşxalkere  çalakîyêk viraşte. Wextê çalakîye de tayê wesayîtê ke mîyanê konvoye de cayê çalakîye ra remayî, wesayîtêko zirxîn bi tîpê kîrpîyî zî rîyê derbeyanê giranan ra kewt û cayê çalakîye de mend. Çalakîye de zerarêko gird rest wesayîtan. çalakîye ra 3 saetî dima hêzê dişmenî ameyî cayê çalakîye û eskerê xo yê birîndar û merdî wedaritî. Hetê bînî ra, çalakîye ra dima hêzanê dişmenî bi çekanê giranan cayo ke çalakîye qewimîya bombarduman kerde. Hûmara merde û birîndaranê dişmenî nêameya zelalkerdene. Çalakîye de tu zirar nêresto hêzanê ma.

Hêrişê Hewayî

13ê Nîsane (vizêrî) teyareyanê şerî yê artêşa Tirkî ya îşxalkere herêmanê Wareyanê Pawitişî yê Medya bombarduman kerdî. Goreyê naye zî;

Vizêrî saete 09:30 de wareyê Basya yê Avaşînî, mabênê saetanê 11:00-11:30 wareyê Karoxî yê Qendîlî, wareyê Şikeftê Birîndara yê Zapî, Girê Şehîd Hêmînî yê Xakurkê, mabênê saetanê 16:00-16:30 de  Girê Şehîd Dîren ê Avaşînî, wareyê Arîs-Farîs û Mam Reşî ameyî bombardumankerdene. Netîceyê bombardumanan de tu zirar nêresto hêzanê ma.” BEHDÎNAN

Dikarî Biecibînî