Birayê Hantaşî: Polîsan tim zext bi birayê mi kerdêne

Birayê Recep Hantaşo ke polîsanê tirkan ewro qetil kerdbî va: “Selahîyatdaran zanayîşê zelalî nêdayê înan la polîsan tim o teqîp kerdêne û zext bi ci kerdêne.”

Polîsanê tirkan saetanê şanê Şeme de ciwanêko bi nameyê Recep Hantaşî Sumerparkê Amedî de înfaz kerd. Hantaş wexto ke ciwanêk reyde parke de roniştibi ame înfazkerdene. Cenazeya Hantaşî Nêweşxaneyê Unîversîteya Dîcle ra ameye girewtene û Goristanê Yenîkoyî de ameye definkerdene. Teberê keyeyê ci de hêzanê çekdaran ê Tirkî destûr nêda ke tu kesêk şoro serê gorî.

Efe Hantaş, birayê Recep Hantaşo ke serra 1999î de Licê de ameyo dinya qisey kerd.

Efe Hantaşî dîyar kerd ke polîsan vernîye birayê ci yo ke Bursa de înşeatî de xebitîyeno rê telefon a kenê û vanê ‘Birayê şima nêweşxane de yo, leze bêrê’ û wina domna: “Birayê mi zî telefon akerdo û xebere da mi. Mi hûmara keso ke telefon akerdo ci ra waşte. Mi telefon akerd. Polîsan mi ra va, ‘Bêrê nêweşxane’. Ma şodir şîyî nêweşxane, la tu zanayîşêk nêda ma. Ma qase saetêk û saetêk nême pawit. Xeylî cehdkerdişî ra dima seba teşhîsê ez berda zere. Mi nas kerd, doktorî vat, sereyê şima weş bo’. Badê ke ma polîsan reyde pêvînayîş kerd, vatî îxbarêk înan rê ameyo. Birayê min o rehmetî Sumerpark de hevalêkê xo reyde roniştî bîyo. Rîyê îxbarî ra operasyon ameyo kerdene.”

Hantaşî va ‘polîsan zanayîş nêdayo ke operasyon senî ameyo viraştene,  pêkewtiş qewemîyo yan ney’ û wina qedêna: “Leyê birayê mi de tewr çekêk zî çin bîya. Rixmê ci operasyon berdo ser û merdim vera çîyêkê winasî  de şaş beno maneno. Tu zanayîşêk zelal çin o, no operasyon senî bi, saete çend bi.”

Hantaşî tewr peynî pêvînayîşê ke birayê xo reyde verê cû kerdê pare kerd û va: “Polîsan timî GBTyê ey de nîyadayêne û vatêne ‘şima terorîst ê’ û tim birayê mi tehrîk kerdêne. Vatêne ‘çîyanê sîyasî nêkerê, dizdîye bikerê, hevalanê xo yê ke nê karî kenê vajê, ma do şima bipawê’ timî zext û zordarîye bi ci kerdêne. AMED 

Dikarî Biecibînî