Fosîlo Ganî yê verê 200 mîlyon serrî ame vînayene

Merkezê Xeberan

Eyaletê Sistanî yê Îranî de Fosîlo Ganî yê verê 200 mîlyon serrî ame vînayene û goreyê eşkerarîya ke hetê Mudirîya Pêroyî ya Pawitişê Dorme ame kerde, no fosîl heywano tewr kehen yê dinya yo

Goreyê eşkerarîya ke hetê Mudirîya Pêroyî ya Pawitişê Dorme yê Eyaletê Belucistan û Sistanî yê Îranî ra ame kerdene, Golekê Hamunî de heywano tewr kehen yê dinya ameyo vînayene. Mudirê Pêroyî yê Pawitişê Dorme yê Eyaletê Belucistan û Sistanî yê Îranî Vahid Purmardanî da zanayene ke varayîşê varano zêde yê çend hewteyê peyênan vera Golekê Hamunî de heywanê tewir bi tewir ameyî vînayene. Vahid Purmardanî dîyar kerd ke dormeyê Goleê Hamunî de heywano bi nameyê Triops Cancriformisî, sewnîna nameyê ci zî ‘Fosîlo Ganî’ ameyo vînayene.

‘No heywan îşaretê berdarîya herême yo’

Purmardanî eşkerayî de va: “No Fosîlo Ganî ra dîyaro ke emrê dinya 200-300 mîlyon serrî ra hîna kehen o. No fosîl îspatêk o. Heta nika dinya de tena 10 tewirê Triopsî ameyî kefşkerdene. No fosîlo fanî îşaretê berdarîya herêma Sistanî yo.”

Dikarî Biecibînî