Dayîkê leçegsipî Meclîs de çalakîya roniştişî dayî destpêkerdene

Dayîkê girewteyanê sîyasîyan ê ke domanê înan vera tecrîdê serê Rayberê PKKyî Abdullah Ocalanî grevê vêşanîye de yê, seba ke Wezaretê Edaletî reyde pêvînayîş bikerê Meclîs de çalakîya roniştişî dayî destpêkerdene

Dayîkê girewteyanê sîyasî bi waştişê Wezaretê Edaletî reyde pêvînayîşî Meclîs de çalakîya roniştişî daye destpêkerdene. Çalakîya roniştişî dimayê kombîyayîşî yê hewtane yê HDPyî dest pêkerd. Amed, Wan û Mêrdînî ra dayîkî tewrê çalakîye bîyî. Bi nameyê dayîkan Nezahat Teke vat înan waştişê pêvînayîşî resnayo Wezaretî û paweyê cewabê înan ê.

Teke va: “Heta ke tecrîdê Îmraliyî nêro şikitene domanê ma do grevê vêşnîye vêra nêdê. 30 kesî dest bi rojeyê mergî kerd. Her game beno ke xereba mergî bêra. Verê cû zî 8 kesan cuya xo vîndî kerde. Ma do nêeşkena vera merdişê domananê xo de bêveng bimanê.”

Teke wina dewam kerde: “Ma dayîk ê, ma seba domananê xo tîya yê. Heta ke waştişê ma nêrê qebûlkerdene ma do tîya ra nêşorê. Ma waştişê xo resnayî Wezîrê Edaletî. Eke Wezîrê Edaletî seba pêvînayîşî soz bido ma, ma do 3 kesî ey reyde pêvînayîş bikerê. Eke qebûl nêkero ma do tîya de bipawê. Ma ancax ameyî tîya. Êdî bes o. Kênayêka mi vera tecrîdî bedenê xo da verê adirî, ez nêwazena lajê mi zî grevê vêşanîye de cuya xo vîndî bikero. No heqo tewr tebîî yê min û dayîkan o.” ANQARA

Dikarî Biecibînî