Xoverdayîşê Guvene roja 189. de û rojeyê mergî yê 2 grûban bi qerardarî domenî

Xoverdayîşê grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke vera tecrîdkerdişê Rayberê Şarê Kurdî Abdullah Ocalanî dabîye dest pêkerdene roja 189. de dewam keno. Rojeyê mergî yê 30 hepsîyan zî dewam keno

Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî destpêkerdiş roja 189. de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. Sewbîna 16ê Kanûne de zindananê Tirkîye de zî çalakîya grevê vêşanîye dest pêkerdbî û 1ê Adare de zî vilayê pêroyê zindanan bîye zî roja 151. de dewam kena. Zîndananê Kurdistan û Tirkîye de bi hezaran hepsîyê doza PKK û PAJKî grevê vêşanîye yê bêdem û anêgêrayîşî de yî. 15 hepsîyê grevê vêşanîye de bî, çalakîya xo 30ê Nîsane de derbazê merheleyêka newe kerdbî û rojeyê mergî dayî dest pêkerdene. Dima ra zî 10ê Gulane de grûba diyîn ke a zî 15 hepsîyan ra pê yena semedê şikitişê tecrîdê serê Rayberê PKKyî Abdullah Ocalanî dest bi rojeyê mergî kerde.

Hetê bînî ra xoverdayîşê endamê temsîlkarîya HDPyî yê Başûrê Kurdistanî Nasir Yagizî zî bi eynî amancî sey grevê vêşanîye yê bêdem û bêagêrayîşî dewam keno. Yagiz roja 176. de bi qerardarîye dewam keno. Çalakîya endama Meclîsê Îştarî Fadîle Toke roja 116. de ya. Sewbîna Mexmûr, Hewlêr, Şengal û xeylê cayanê cîya-cîyayan de zî seba piştîdayîşê grevê vêşanîye çalakîyê grevê vêşanîye estî.

Çalakgerê Ewropa

Xoverdayîşê Strasbourgî yê 14 çalakwanan û Galler de Îmam Şîşî roja 150. de dewam keno. 1ê Adare ra dima bi hezaran hepsîyî zîndananê Kurdistanî û Tirkîya dest bi grevê vêşanîye kerdî û çalakîya înan roja 74. de dewam kena.  Bajarê Toronto yê Kanadayî de zî çalakîya Yusuf Îba ke dayo destpêkerdene roja 124. de dewam keno.

Parlementerê HDPyî yê ke awanîya HDPyî de grevê vêşanîye de yî

Çalakîya ke Parlementera HDPyî Dersîm Dage 3ê Adare de, Tayîp Temel û Murat Sarisaçî 8ê Adare de awanîya HDPyî de daye destpêkerdene dewam kena. Çalakwananê ke hepisxane de dest bi grevê vêşanîye kerdo û ameyê verdayene, veradayîşî ra dima zî çalakîya xo keye de dewam kenê. Sedat Akin Êlîho ke Zindanê Tîpa Eyî yê Erzinganî ra vejîya 129 rojî, Gurbet Ektîrene Mêrdîn de 120 rojî, Semra Alkan Alîaga yê Îzmîrî de 129 rojî, Îhsan Sinmiş Kuçukçekmece yê Stenbolî de 78 rojî, Mahsun Şen 131 û Mûrat Aksinî zî 62 rojî yo qezaya Dêrikî ya Mêrdînî de grevê vêşanîye de çalakîya xo keye de dewam kenê. Hemsereka DBPyî ya verê Sebahat Tuncel û ya parlamentera HDPyî ya verê Selma Irmake ke zindan de dayê destpêkerdiş roja 120. de yê.

Keyeyê xo de çalakîya xo dewam kenê

Îsmet Yilmaz, Salîh Tekin, Sevican Yaşare, Bîlal Ozgezer banê HDPyî yê Amedî de 3ê Adare de dest bi grevê vêşanîye kerdibî. Çalakîye ra dima ameyî girewtene û zîndan de çalakîya xo domnayî.  Aşmêk ra dima Îsmet Yildiz, Sevîcan Yaşar, Salîh Tekîn û Bîlal Ozgezerî serbest ameyî veradayene û nika keyeyê xo de çalakîya xo dewam kenê.

Nameyê 15 hepsîyê ke 30ê Nîsande de dest bi rojeyê mergî kerdî

Rojeyê mergî yê 15 hepsîyê ke zîndananê Bakirkoyî yê Stenbolê, Gebze yê Kocaelî, Wan û Amedî de 30ê Nîsane de semedê şikitişê tecrîdê serê Rayberê PKKyî Abdullah Ocalanî dest bi rojeyê mergî kerdî wina yî: Zîndanê Cinîyan yê Bakirkoyî; Nesrîn Akgul, Şukran Aydin, Zozan Çîçek. Zîndanê Cinîyan yê Gebze; Ardil Çeşme, Asli Dogan. Zîndanê Asayîşo Berz yê Wanî; Ahmet Anigi, Ozhan Ceyhan, Vedat Ozagar, Îhsan Bulut, Erol Çelîk. Zîndanê Tîpa Dyî yê Amedî; Engîn Akhan, Enver Durmaz, Ahmet Topkaya, A. Haluk Kaplan û Ferhat Turgay. Çalakîya xoverdayoxan ewro kewt roja 16.

Nameyê 15 hepsîyê ke 10ê Gulane de dest bi rojeyê mergî kerdî

Nameyê 15 hepsîyê grûba diyîn yê ke 10ê Gulane de semedê şikitişê tecrîdê serê Rayberê PKKyî Abdullah Ocalanî dest bi rojeyê mergî kerdî wina yî wina yî: Zîndanê Kandarayî; Yaşar Cîbaş, Mûhammed Înal, Diyadin Akdemîr, Engîn Kahraman. Zîndanê Tîpa Fyî yê Boluyî; Îbrahîm Dogan, Ahmet Emîn Eren, Mûstefa Taşan. Zîndanê Patnosî; Sena Efe, Bûrhan Şik, Faysel Atak, Şafî Kayhan. Zîndanê Tekîrdagî yê Hûmara 1; Reşad Ozdîl. Zîndanê Tekîrdagî Hûmara 2; Zekî Bayhan, Yilmaz Yildiz. Zîndanê Asayîşo Berz yê Wanî; Saît Ozturk. Çalakîya xoverdayoxan ewro kewt roja 6.

Kesê ke seba şermizarkerdişê tecrîdî cuya xo peynî kerdî

Sewbîna teberê welatî de bajarê Krefeldî yê Almanya de 20ê Sibate Ûgûr Şakarî hemverê tecrîdî de adir verda bedenê xo û 22ê Adare de cuya xo kerde vînî. Zulkuf Gezenî (33) 17ê Adare de hemverê tecrîdî de Zîndanê Tîpa F-2 yê Tekîrdagî de, Ayten Beçete (24) 23ê Adare de Zîndanê Gebze de, Zehra Saglame (23) 24ê Adare de Zîndanê Tîpa Tyî yê Otlû de, Medya Çinare (24) 25ê Adare de Zîndanê Tîpa Eyî yê Mêrdînî de peynî ro cuya xo arde. Yonca Akici 29ê Adare de Zîndanê Şakranî yê Cinîyan de çalakî viraşte û 1ê Nîsane de cuya xo vindî kerde. Siraç Yuksekî zî 2ê Nîsane de Zîndanê Tîpa T-2yî yê Osmanîye de û Mahsûm Pamayî zî 5ê Nîsane de Zîndanê Xarpêtî yê bi Asayîşê Berzî de bi heman amacî çalakî viraşte û cuya xo kerde vînî. AMED

Dikarî Biecibînî