Zîndanê Xarpêtî de 15 hepsîyan kerdî hucreyanê yew kesî

Zîndanê Hûmara 2. yê Asayîşo Berz yê Xarpêtî de 15 xoverdayoxanê ke grevê vêşanîye de yî, kerdî hucreyanê yew kesî

Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene û ya bi hezaran hepsîyan dewam kena. Sewbîna 30 hepsîyê ke rojeyê mergî de yî zî bi qerardarî xover danî. Badê nê çalakî û xoverdayîşan pêroyê zîndananê Tirkîye û Kurdistanî de zext û binpaykerdişê heqan zêdîyayî.

Hepsîyê Zîndanê Hûmara 2. yê Asayîşo Berz yê Xarpêtî bi rayîrê keyeyê xo dayî zanayene ke 15 xoverdayoxanê grevê vêşanîye kerdî hucreyanê yew kesî û vatî: “Rewşa nê hepsîyê ke refaqetçîyê înan çin î ver bi xirabî şona. Gardîyanê ke bin nameyê ‘cigêrayîşî’ de erzenî qawişan ser, dest ronenî lazimîyanê taybet ê hepsîyan sey defter, qaleme, fotograf û kitaban ser.”

Hepsî dîyar kerdî ke do hemverê heme binpaykerdişan de xover bidî û heta ke talebê înan nêrî caardene do çalakîya grevê vêşanîye bidomnî.  XARPÊT

Dikarî Biecibînî