Çalakîya dayîkanê hepsîyan ya Meclîsî dewam kena

Dayîkanê hepsîyan ke hemverê tecrîdkerdişê Rayberê Şarê Kurdî Abdullah Ocalanî de grevê vêşanîye de yê, roja Sêşemeyî ra yo Meclîsî de çalakîye virazenê

Dayîkanê hepsîyan bi mexmelanê xo yê sipîyan Meclîsî de dest bi çalakîya roniştişî kerde û waştişê pêvînayîşî wezîrê Edaletî rê kerd.

Dayîkanê dimayê pêvînayîşê xo yê bi serekê Meclîsî Mûstafa Şentopî çalakîya xo ya roniştişî qedînaye. Şentopî soz dabi mayan ke do wezîrê Edaletî bi waştişanê înan bido hesnayene.

Labelê mayî Meclîsî ra nêvejîyayî û bişewe salona kombîyayîşî ya grûba HDPyî de mendî. Mayan bişewe sohbet kerd û bi Kurdkî deyîrî kerdî.

Mayê xoverdayoxî hewna zî Meclîsî de yê. Yeno pawitene ke ewro saet 13:30 de pîya bi hemsereka pêroyî ya HDPyî Pervîn Bûldane kombîyayîşê çapemenîye virazê. ANQARA

Dikarî Biecibînî