Baroya Dêrsimî: Ma Serekê Meclîsî Şentopî reyde qala grevê vêşanîye kerd

Baroya Dêrsimî dîyar kerde ke ê derheqê grevê vêşanîye de Serekê Meclîsî Mustafa Şentopî reyde pêvînayîş viraştî û derheqê çareserîya probleman de qisey kerdî

Serekê Yewîya Baroyê Tirkîye (TBB) Metîn Feyzîoglû reyde serekê baroyê Dêrsimî, Amed, Sêrt, Şirnex, Êlih, Çewlîg û Wanî vizêr derheqê çalakîyanê grevê vêşanîye de Serekê Meclîsî Mustafa Şentopî reyde pêvînayîş viraştî. Baroya Dêrsimî derheqê babete de eşkerayîyêka nuştekî weşênaye. Baro eşkerayîya xo de dîyar kerde ke ê hem Serekê Meclîsî Mustafa Şentopî û hem zî cigêrayoxê sere yê îstîmlaqkerdişî reyde derheqê çareserîya probleman de qisey kerdî. Baro dewamê eşkerayîya xo de wina va: “Ma omud kenî ke verê ke kesêk zirar nêvînayo, problemî çarçeweya huqûqê mîyanenî û huqûqê mîyanneteweyî de bêrî çareserkerdene. Sewbîna ma muracatê ke keyeyê hepsîyan kerdî, veng danî her kesî ke verê ke xoverdayoxê grevê vêşanîye û rojeyê mergî zirar nêvînayî, ganî her kes bikewo mîyanê hewldayîşê probleman.” DÊRSIM

This slideshow requires JavaScript.

Dikarî Biecibînî