Tayîp Temel: No proses seba AKPyî firsendêk o

Parlamenterê HDPyî yê Wanî Tayîp Temelo ke bi partîyijanê xo roşan bimbarek kerd bale ant serê muhîmîya xoverdayîşî yê vera faşîzmî ser û va ma do Stenbol de vernîya faşîzmî bigêrê

Parlamenterê Partîya Demokratîke ya Şaran (HDP) yê Wanî Tayîp Temelo ke pîya bi parlamenran Dersim Dage û Mûrat Sarisaçî vera tecrîdê serê Rayberê Şarê Kurdî Abdullah Ocalanî kewtîbî grevê vêşanîye  û bi vengdayîşê Ocalanî girevê vêşanîye qedîna  Wan de bi partîyijan roşan bimbarek kerd.

Aktîvîteyê roşanî ya ke banê HDPyî de ameye viraştene hemserekî Umît Dede û Yadîşen Karabûlake, hemserekê Partîya Herêmê Demokratîkî (DBP) Aynûr Tarhane û Okkeş Kava, hemserekê Bajarê Girdî yê Wanî Bedîa Ozgokçe Ertane û Mûstafa Avci tewrê ci bîyî.

Tayîp Temelî yo ke atkîvîte de qisey kerd bale ante serê xoverdayîşê grevê vêşanîye û serkwtişê ci û wina va: “Ewro ma Roşanê Remezanî bimbarek kenê. Semedê Kurdan vengê Ocalanî eşnawtiş zî roşan bi. Rayberîya Leyla Guvene de bi xoverdayîşê zîndanan, dayîkanê laçigsipîyan û heme xovedayoxanê bînan ma ser kewtî. Heta ke mucadele nêro dayene faşîzm nêna rijnayene. Bi mucadeleyî vernîya faşîzmî yena girewtene. Bi xoverdayîşê grevê vêşanîye ma no reyna dî.”

Temelî arde vîrê ke serkewtişo ke bi xoverdayîşê grevê vêşanîye kewto dest tayî hetî bestenê weçinitişê Stenbolî û va: “Ma tîya ra reyna vanê. Eke ma faşîzmê AKP- MHPyî ra hesab mepersê no têgerayîş beno qij. Ê ka vanê ma bi AKPyî têgêrenê nê têgêrayîşî nêsarisnenê. Strastejîya HDPyî û dostna ci aya ke vernîya faşîzmî bîgêrê. Sey 31ê Adere 23ê Hazîrane de zî do no bêro kerdene. Rayîro ke Birêz Ocalan ramot no yo. No rayîrê demokrasî yo. Bi xurtkerdişê mucadeleyî me eşkenê vernîya faşîzmî bigêrê. No proses seba AKPyî firsendêk o.” WAN

Dikarî Biecibînî