No serkewtişê xoverdayîşê kolektîfî yo

Çalakgerê ke wextêko derg zîndanan de xo ver ro dayo vanê, no serkewtişo ke vejîyayo werte, eserêkê cehdkerdişê kolektîfî yo

Roger Tîrej Ozalpo ke Zîndanê Tîpa Fyî yê Tekîrdagî yê Hûmara 2ine de yo, xoverdayoxanê grevê vêşanîye ra yew o ke 16ê Kanûna 2018î de kewto grevê vêşanîye.

Ozalpî da zanayene ke, netîceyo ke vejîyayo werte serkewtişê têkoşînê kolektîfî yo û vat,  netîceyê xoverdayîşî de tewirê dewleta tirkî û CPT yo ke tecrîd rewa vîneno ame şiknayene.

Ozalpî va: “Serkewtişo ke vejîyayo werte teyna serkewtişê xoverdayîşê zîndanan nîyo. Eserê kede û cehdkerdişêkê kolektîfî yo. Sere de xoverdayîşê Dayîkanê Aşitîye, netîceyêkê cehdkerdişê mûxalîfan û heme beşanê cimatî yo. Eynî wext de tewirê dostanê ma yê  têgêrayîşê şorigêran ê Tirkîya, paştdayîşê înan ê madî û manewî yê çalakîye, serkewtişê çalakîye de tesîrêko muhîm kerd. Defêna eşkera bi ke xoverdayîş vera faşîzmî û zordarîye de ser kewt.”

Ozalpî ard ziwan ke, wextêk ra tepîya do bêro dîyayene ke tecrîd bi temamî ameyo wedaritene ya ney, Ocalan do eşkeno bi hawayêko azad karê xo bikero yan ney û va: “Labelê qedîyayîşê qexedeyê pêvînayîşê avûkatan nîşan dano ke nêzdîbîyayîşê dewleta tirkî û CPTyî yo ke tecrîdî rewa vîneno, ame şiknayene. Serdayîşê înan ê zîndanan, serdayîşê înan ê Zîndanê Îmraliyî yo ke dimayê çend serran yeno kerdene, nîşananê serkewtişê çalakîya ke serkêşîya Leyla Guvene de ameya destpêkerdene yo.”

Ozalpî da zanayene ke, çalakîye eynî wext de polîtîkaya hemilnayîş û zordarî ya faşîzmê AKP-MHPyî ya vera şarê kurdî û hêzanê sosyalîst, demokrat û mûxalîfan bin kerde.

Ozalpî tewr peynîye de ard ziwan ke ê nika ra tepîya têkoşînê xo xurtir dewam bikerê. STENBOL 

Dikarî Biecibînî