Seba vernîgirewtişê vilabîyayîşê tewranîye sungê jehrinî

Merkezê Xeberan

Goreyê cigêrayîşê pisporanê Unîversîteya Marylandî ya DYE, bi rayîrê tewirê sungêko ke genetîkê ci ameyo bedilnayene, vizikê ke nêweşîya tewranîye vila kenê eşkenê werte ra çin bikerê

Cigêrayîşo ke kovara Scîence de ameyo weşanayene, ame zanayene ke pîrikêka ke Awustralya de û sungêko bi nameyê Metarhîzîum pîngshaense ameyî bikaardene. Pisporan jehrê pîrike verda mîyanê sungî û sung zî berd cayo ke vizikî estê de rona.

Badê di nifşan werte ra wedarîyayî

Mîyanê 45 rojan de hezar û 500 vizikî nêzdîyê sungê jehrinî bîyî û rojanê peyênan de hûmara nê vizikan kewte 13.  Hûmara vizikanê ke eynî dem de cayêko bîn ê xozayî de ameyê kontrolkerdene zî bîye zêde. Pisporê Unîversîteya Marylandî da zanayene, vizikê ke mexrûzê sungê jehrinî bîyê dimayê di nifşan werte ra çin bîyî.

Armanc çinkerdişê vizikan nîyo

Dr. Brîan Lovettî yo ke cigêrayîşî de ca girewto ard ziwan, sungê jehrinî yê ke înan bi kar ardo seba lulik û tewiranê lukikan zirardar nîyê. Lovettî vat, amancê înan çinkerdişê vizikan nîyo, ê wazenê vernîya vilabîyayîşê tewranîye bigêrê. Goreyê doneyanê serra 2017î 87 welatan de 219 mîlyon merdiman nêweşîya tewranîye girewte. Nê merdiman ra 435 hezar kesan cuya xo vîndî kerde.

Dikarî Biecibînî