Kênekanê vîndîbîyayîyan yê Dêrsimî ra Aslane dinyaya xo vurnaye

Hurîye Aslana ke wextê terteleyê Dêrsimî de leyê keyeyê xo ra ameya girewtene û ameya şawitene bi wareyanê bînan û 72 serrî tepîya encax resta keyeyê xo, dinyaya xo vurnaye

Hurîye Aslan a ke Tereteleyê Dêrsimî yê 1938î de keyeyê xo ra ameya visnayene û ameya dayene bi keyeyanê bînan û 72 serrî tepîya resaya keye û waye û birayanê xo, dinyaya xo vurnaye.

Aslane meşte saete 15.00 de, dimayê merasîmê cenazeya aye yê Cemxaneyê 1 Mayisî (Ataşehîr), yena şawitene bi erdê Dêrsimî yo ke ci ra ameya visnayene. Cenazeya Aslane 26ê Hezîrane de, dewa Salordek/Pirdê Sûrî yê Pilemûrîye de do bêro wedarnayene.

DAMî ra peyamê serweşîye

Seba dinya vurnayîşê Hurîye Aslane Merkezê Cigêrayîşan ê Dêrsimî peyamê serweşîye weşana.

Peyamî de ame vatene: “Prosesê Terteleyê Dêrsimî de sey to bi hezaran kesî nê erdanê qedîman ra ameyî visnayene; tayênan rê nê erdî reyna nêbî nesîb, cayanê surginî de merdî. Ma şexsê to de heme kesê ke vîndî kerdê yad kenê. Rixmê kesanê ke no zulm ewro ardo şima sere û ma tehdît kenê ma do Terteleyê Dêrsimî xo vîr ra nêkerê û nêdê vîrrakerdene.” DÊRSIM

Dikarî Biecibînî