Cenazeya Alinbayî Pîran de ameye definkerdene

Cenazeya endamê HPGyî Mahmut Alinbayî qezaya Pîranî de ameye definkerdene

Cenazeya endamê HPGyî Mahmut Alinbayo (Adnan Pîro) ke pêrodayîşê 22-23ê hezîrane de Dêrsim de cuya xo vindî kerdbî qezaya Pîranî ya Amedî de ameye definkerdene. Keye morgê Dezgeyê Tibê Edlî (ATK) yê Meletî ra enazeya domanê xo girewt û ver bi qezaya Pîranî kewt rayîr. Cenazeya endamê HPGyî Alinbayî qezaya Pîranî de bi gireyî û berzkerdişê siloganan ameye pêşwazîkerdene û dima ra ameye definkerdene.

Parlamenterê Partîya Demokratîke ya Şaran (HDP), rayîrberê HDPyî û xeylê hemwelatîyî tewrê merasîmî bîyî. Girse binê ablûqaya polîsan de cenaze berdî goristan û vera heme astengîyanê polîsan de ameye definkerdene.

Ame vatene ke do camîyê qeza de şîn bêro ronayene, la dima ra bi fermanê Qeymeqamîya Qeza ame girewtene. AMED

Dikarî Biecibînî