Artêşa tirkî vilawekan erzena wareyanê gerîlayan

Dewleta tirkî vilawekanê ‘Teslîm bibê, azad bibê’ erzena Wareyê Pawitişî yê Medya û herêmanê roniştişî yê Başûrê Kurdistanî

Îqtîdarê AKP-MHPyî yo faşîsto ke sîyasetê zere û teberî de tengayî anceno seba ke na tengayî ra vejîyo metodanê eceban ê hêrişî şuxulneno.

Vilaweka Bêçareyîye

Teyareyanê dewleta tirkî ya îşxalkarî ra serê Wareyê Pawitişî yê Medya de nê vilawekî yenî eştene: “Emserr tewr tay 900 endamê rêxistina terorî  teslîmê ma bîyî û hemeyan dest bi dertpêkerdişêkê neweyî kerd. Beno ke înan ra yewe ti bî.”

Vilawekî hem erzîyayî herêma gerîlayî hem zî erzîyayî herêma sivîlan. Şaro ke Sorankî-Erebkî qisey keno nê vilawekan ra çîyêk fam nêkeno û qey nê vilawekî erzîyenê cayê înan naye  bêmana vîneneno.

Gerîlayanê ke nê metodan komik vînenî nê vatî: “Ma serranê unîversîte de bi nê metodan dişmen defîşre kerdêne û seba çalakîyan veng dayêne. Serranê 90. de dişmenî metodê ma diznayî û şuxulnayî. Ewro zî zanê ke bi naye çîyêk dest nêfînenê la nê vilawekan vila kenê. Demê tasfîyeyî ra ma nê nêdîbî. O wext ê ke bi PDK û xeylî hêzanê tarîyan tîfaq kerd û remayî û dişmenîya tewr girde ya vera Têgêrayîşê Azadîye kerdêne yê ameyêne şuxulnayene. Nê vilawekî ramojnenê ke ewro dewleta tirkî senî bêçare menda.”

Hetê bînî ra Wezîrê Karanê Zereyî yê Tirkîye Suleyman Soylîyî seba gerîlayî vatbi ‘Xora hûmara înan 700-750 menda.’

Vilaweke de yeno vatene ke 900 endamê rêxistine teslîmê înan bîyî. No zî zura Soyluyî vejeno werte. BEHDÎNAN

Dikarî Biecibînî