Heyetê HDPyî Licê de yo

Heyeto ke HDPyî awan kerd, seba cigêrayîşê dewanê Licê ke ameyî bombardûmankerdene, dewijan ser o gule ameyî reşênayene û adir bi xeleyanê taxa Yaprakli dîya û kerd wel, şî qezaya Licêya Amedî

Perey leşkeran dormeyê dewa Banadêran ya Licê ya Amedî girewt û operasyon da destpêkerdene. Helîkopterî ra zî dewijan ser o guleyî ameyî reşênayene. Gulevarnayîşî de dewijo bi nameyê Onûr Vûralî ame birîndarkerdene û bi birîndarî ame tepiştene. Leşkeran hêgayê xeleyê dewanê Merdînya, Koçeran, Denglava û Tûtê veşêna û adir da xeleyanê ramitene.

Partîya Demokratîke ya Şaran (HDP) seba cigêrayîşê dewanê qezaya Licê ya Amedî ke ameyî bombardûmankerdene, dewijan ser o gule ameyî reşênayene û adir bi xeleyanê taxa Yaprakli dîya û kerd wel, heyetêk erşawite qezaya Licê. Heyeto ke şî Licê de parlementera HDPyî ya Amedî Remzîye Tosun û Hemserekê Bajarî yê Amedî yê HDPyî Zeyyat Ceylanî zî estî û heyet ewro saetanê serê sibayî de şî Licê. Ame zanayene ke heyet do şêro zîyaretê Mehmet Kapan û lajê ci Mehmet Ali Kapanî ke taxa Tûtê de wexto ke waştî adir hewna bikerî ameyî tepiştene zî. AMED

Dikarî Biecibînî