aram

 ‘Sebebê krîzê ekonomî yê Dêrsimî koçber û bêmerdimveradayîş o’

Serekê Yewîya Odeya Esnafan û Karsazan yê Dêrsimî Hidir Belîce dîyar kerd ke sebebê esasî yê krîzê ekonomî yê Dêrsimî şer vera koçkerdiş û bêmerdiveradayîşê herême yo

Tirkîya de krîzê ekonomî heme çîyan kerdo binê tesîrê xo yê negatîfî. Dêrsim de zî krîzê ekonomî tesîrê xo esnaf û şarî ser de dayo nîşandayene. Goreyê dayeyanê Yewîya Odeya Esnafan û Karsazan ya Dêrsimî herinda ke kar bêro kerdene de kargehî yenî padayene. Serekê Yewîya Odeya Esnafan û Karsazan yê Dêrsimî Hidir Belîce dîyar kerd ke sebebê esasî yê krîzê ekonomî yê Dêrsimî şer vera koçkerdiş û bêmerdiveradayîşê herême yo

Belîce da zanayene ke krîzê ekonomîyê Tirkîye bîyo parçeyêk cuye û herêmanê şer yê bazirganîye de dest pêkerdo û Tirkîye zî nê cayan ra yew a. Belîce dîyar kerd ke sebebê yewin yê krîzê ekonomî yê Dêrsimî koçkerdişo û wina va: “Cografyaya ma bê merdim yena veradayene. Bingeyê problemê koçkerdişî zî şer û pêrodayîş î. Cok ra merdim koç kenî. Bi serran o Dêrsim yeno vengkerdenen û bê merdim yeno veradayene. Ma cografyayêka asayî wazenî. Wexto ke asayî pê bêro do her kes agêro herra xo ser.” DÊRSIM