aram

Hema zî tu xeberêk rojnamegerê Rojnewsî ra çin o

Rojnamegerê ajansê Rojnewsî Zubêr Bradostî yo ke hetê asayîşê PDKyî ra ameyo tepiştene 7 rojî yo tu hayîdarî ê ra nêna girewtene

Rojnamegerê ajansê Rojnewsî Zubêr Hemedemîn Nebî yo ke sey Zubêr Bradostî yeno naskerdene, 21ê menge de hetê pêşmergeyanê PDKyî ra ame tepiştene.

Goreyê hayîdarîyanê ke kesêkê nizdê Zubêr Bradostî ra ameyê girewtene, Zubêr Bradostî hetê îstîxbaratê Fermandarîya Helgurdî ya ke pabesteya Partîya Demokratîke ya Kurdistanî (PDK) ya ameyo vengdayene bi baregehê fermandarîye, dima ra ameyo tepiştene û ameyo şirawitene bi bajarekê Mesîfî yê Hewlêrî. Keye û merdimanê Zubêrî ra ameyo vatene ke qe persê ê nêkerê, heta ke ê bi xo xeberêk bidê keyeyî. Hêzanê asayîşî seba keyeyî ‘hîşyarîya’ heta ma veng nêdê şima çîyêk mekerê û paweyê ma bê kerde.

Sendîkaya Rojnamekaranê Kurdistanî derheqê tepiştişê rojnameger Zubêr Bradostî de razînêbîyayîşêk nêramot. Mesuldarê Sendîkaya Rojnamekaranê Kurdistanî Soran Îsmaîl Îbrahîm herinda ke destek bido, eşkerayîyanê teberê rastîye dano û Zubêr Bradostî bi sûcê ‘ajanîye’ sûcdar keno. HEWLÊR