aram

6 hepsîyê ke sewqê Zîndanê Turkoglu kerdî: Asayîşê ma çin o

6 hepsîyê ke sewqê Zîndanê newe yê Tîpa L-1 Turkoglu yê Mereşî bîyî dîyar kerdî ke asayîşê înan çin o. Hepsîyan bi rayîrê keyeyanêo hetkarî waştî

Badê ke Zîndanê newe yê Tîpa L-1 Turkoglu yê Mereşî abî, hepsîyanêsîyasî sewqê zîndanî kerdî. tewr peynî 6 hepsîyê Zîndanê Tîpa T-3 yê Tarsûsî sewqê Zîndanê Turkoglu kerdî. Hepsîyê sîyasî Ahmet Nas, Ercan Daşkesen, Veysi Altan, Şifa Erdogan, Ridvan Kaya û Suat Okurî 19ê temmuze de sewqê Zîndanê newe yê Tîpa L-1 Turkoglu kerdî. Hepsîyan dîyar kerdî ke badê ke ameyî sewqkerdene raştê şîdetê fîzîkî û psîkolojîkan ameyî û zextê înan ser zêdîyayî. Keyeyê hepsîyo bi nameyê Ahmet Nasî dîyar kerd ke 6 hepsîyan bi rîngî sewq kerdî û rayîr de cendirmeyan neheqî û tedayê giran bi înan kerdî.

Derheqê babete de îdareyê zîndanî ame gêrayene, la kesêk cewab nêda persan. EDENE