aram

Mexmûrijî vera dagirkerî û dorgirewtişî de rayra şono

Ronişteyê kampa şehîd Rustem Cûdî ya Mexmûrî, hemverê îşxalkarîya dewleta tirkî û dorgirewtişê PDKyî de dest bi rayraşîyayîşêkê bi heybetî kerd

Kampa koçberan a Mexmûrî binê zext û dorgirewtişê PDKyî de ya. Asayîşê PDKyî no 11 rojî yo nêverdano ronişteyê Mexmûrî şirê Hewlêr. Nêweşê giranî zî tede bi seyan karker û hemwelatijî her roje hetê hêzanê PDKyî ra yenê açarnayene. Heman wextî de aqûbetê 2 ciwananê Mexmûrî zî nêno zanayene.

Hemverê nê tewirî de ewro bi hezaran ronişteyê Mexmûrî verê berê Şaredarîya Kampe de cemêyayî û waşt ke ver bi Hewlêrî rayra şirê. Ronişteyê Mexmûrî hewna ke kampe ra nêvejîyayî, hetê leşkeranê artêşa Iraqî ra ameyî astengkerdene. Bi seyan leşkeranê Iraqî rayîrê Mexmûrijan girewto û nêverdanê kampe ra vejîyê.

Ronişteyê Mexmûrî biisrar ê k ever bi Hewlêrî rayra şirê û wazenê ke rayîr bêro akerdene. MEXMÛR