aram

Moskova de hezar ra vêşêr kesî ameyî tepiştene

Paytextê Rûsya Moskova de bi waştişê weçînitişê azadî nûmayîşêk ame viraştene. Labelê polîsanê Rûsî bi hawayêkê çetinî mudaxeleyê nûmayîşî kerd û hezar ra vêşêr kesî tepiştî

Polîsanê Moskova eşkera kerd ke nûmayîş de 1.074 kesî ameyê tepiştene. Çalakîya protestoyî verê awanîya Şaredarîya Moskova de virazîyaye. Muxalefet hemverê redkerdişê namzedanê ‚xoseran‘ de razînêbîyayîşê xo ano ziwan, ke namzedîya înan a seba weçînitişê cayîyî yê 8ê êlule amîya redkerdene. Yeno vatene ke weçînitiş do seba namzedanê hetgêranê îqtîdarî weçînitişêko zehmet bo.

Çalakgerêkê 68 serrî AFPyî rê va: “Ez hemeyê emrê xo de tersaya, hendî bes o. Eke ma keyeyê xo de bimanê do çîyêk nêvurîyo.”

Organîzasyonê Efû yo Mîyanneteweyî zî qesawetê xo yê derheqê qewimîyayîşan de ard ziwan û vat na yewe seba çimtersnayîşê muxalefetî ya. MOSKOVA