aram

Vatîkan de seba Hesenkeyfî çalakîyêka hunerî amî viraştene

Grûbêka hunermendan hemverê raşanayîşê Hesenkeyfê tarîxîyî de Vatîkan de çalakîyêka hunerî viraşte

Hunermendanê grûba ‘Compagnie bien à vous Armanc Kerborani’ Vatîkano ke sey zerrîya alemê Xirîstîyanan yeno zanayene de çalakîyêka hunerî viraşte. Dîmenê çalakîye toranê medyaya cimatkîye de zî ameyî vilakerdene.

Heman grûbe verê nikayî seba paştdarîya fotografkaş û rojnamegere Zehra Dogane 27ê hezîrane de vernîya muzeya Louvres a Parîsî de û 13ê temmuze de zî muzeya Pergamûm a Berlînî de çalakîyêka hunerî viraştebî.

Grûba ‘Compagnie bien à vous Armanc Kerborani’ ke merkezê aye Fransa de yo eşkerayîyêk weşanaye û vat tarîxêko 12 hezar serrî yê Hesenkeyfî esto û Hesenkeyf xeylî bawerîyanê pîrozan hewêneno. Grûbe ard ziwan ke Hesenkeyf de şopê Zerdeştî, Êzidî, Cihûdî, Xirîstîyanî û Muslumanî estê û vat: “Nika Hesenkeyfî ser o gef esto. Eke ma çîyêk nêkerê bajar û erdê berhemdarî do binê awa Awbendê Ilisûyî yê projeyê 50 serrî de bimanê. Kome vat ke ê do qebul nêkerê ke tarîxê bi hezaran serran binê awe de bimano û vengdayîşê xirakerdişê bêvengîye kerd. PARÎS/BERLÎN