aram

Baroya Dêrsimî reaksîyon nîşanê ‘Raşteyê madenî’ daye

Baroya Dêrsimî dîyar kerd ke îlankerdişê raşteyê madenî yê Koyê Mûnzûrî do rayîrê vindîbîyayîşanê girdan akero û venge daye şarî ke vera na babete de têkoşîn bikerî

Baroya Dêrsimî derheqê îlankerdişê raşteyê madenî yê Koyê Mûnzûrî de eşkerayî daye. Baroya Dêrsimî venge daye şarê Dêrsimî û waşte ke hetê raşteyê madenî de bi hawayo hîssin têbigêrî. Baroye ard ziwan ke prosesê Festîvala Kultur û Xoza ya Mûnzûrî de seba raşteyê 43 hezar hektarî ke golê krîter, gir, zozan, wareyê mêsan zî keno mîyanê xo mîyan rê destûrê ruhsatê raşteyê madenî ame dayene. Berê nê raşteyan şîrketanê madenî yê neteweyî û mîyanneteweyî rê ame akerdene. Baro eşkerayîya xo de da zanayeneke xeylê dar û berê tîya do bêrî birnayene û 227 tewirê nebatanê endamîki ke tena Dêrsim de resenî çin bibî. Baro ard vîr ke pêro-pîya hezar û 900 tewirê nebatan  Parka Neteweyî ya Mûnzûrî de cuyenî û do heme gandarê herême çin bibî.

Baroya Dêrsimî dîyar kerd ke îlankerdişê raşteyê madenî yê Koyê Mûnzûrî do rayîrê vindîbîyayîşanê girdan akero û venge daye şarî ke vera na babete de têkoşîn bikerî. Baro tewr peynî dîyar kerd ke senî ke heta nika bi raybazanê huqûqî têkoşîn dayî do tîya ra pê zî têkoşînê xo yê huqûqî dewam bikerî. DÊRSIM

Dikarî Biecibînî