Brezîlya de 57 hepsîyî ameyî kiştene

Zîndanê Altamîra yê Brezîlya yê eyaletê Para de qewimîyayîşî virazîyayî û 57 hepsîyî ameyî kiştene

Zîndanê Altamîra yê Brezîlya de vizêr pêkewtiş vejîya û 57 hepsîyî ameyî kiştene. Zîndananê na herême de pêkewtişê ke rîyê menfaatanê bazarê tîryakî ra vejênê zêde yê.

Selahîyetdaranê zîndanî vat netîceyê pêkewtişê mabênê hepsîyan de qafikê 16 hepsîyan ameyo perçekerdene. Walîyê Eyaletê Para Jarbas Vasconcelesî va: “Destpêk de di gardîyanî rehîn ameyî girewtene, wextêkê kilmekî ra dima ameyî veradayene. Çunke tu têkilîya nê qewimîyayîşan bi şertanê zîndanî çina. No pêkewtişê menfaatî yê grûbanê cîyayan bi.”

Selahîyetdaran vat tepişteyî qismêkê zîndanî ra şîyê qismê bînî û adir nayo ûca ra. Selahîyetdaran vat beno ke xeylî hepsîyî fetesîyayê û na yewe ra merdê, heman wextî de ame vatene seba ke sebebê qewimîyayîşî bêro famkerdene ekspertî şîyê zîndan. ALTAMÎRA

Dikarî Biecibînî