aram

Cenazeya gerîlayê HPGyî Murat Çakmakî Dêrsim de ameye definkerdene

Cenazeya gerîlayê HPGyî Murat Çakmako ke Meletî de goristanê bêkesan de biye, Dêrsim de ameye definkerdene

Gerîlayê HPGyî Murat Çakmako (Destîyar Veroz) ke bejikê merkezê Dêrsimî de 19ê hezîrane de netîceyê bombardûmanî de cuya xo vindî kerdbî, vizêr saetanê şanî de cenazeya ê Meletî de goristanê bêkesan ra hetê keyeyê ci ra ameye girewtene û ameye berdene bi Dêrsim.

Keyeyê Çakmakî, ard ziwan ke cemxaneyo ke Dêrsim de yo bawerîya Elewîyan temsîl nêkeno, vernîya keyeyê xo yo ke mewqîyê Kemerbelê Merkezî de yo merasîmê cenaze viraşt. Endamê keyeyê, hemserekê HDPyî yê bajarî û xeylî hemwelatijî tewrê merasîmî bîyî. Cenazeya Çakmakî, goristano ke nizdê mewqîyê Kemerbelî de yo bi çepikan ameye definkerdene.

Xebere nêdîyaye bi keyeyî

Dosyaya dozgerîye de rixmo ke ame zanayene cenaze aîdê Murat Çakmakî ya zî xebere nêdîyaya bi keyeyî û cenaze goristanê bêkesan de ameyebî definkerdene. Keyeyî, netîceyê cehdanê pîlan de tespît kerdo ke cenazeya Çakmakî goristanê bêkesan de ameye definkerdene. DÊRSIM