aram

Cenazeya domano vindîbîyaye kişta Royê Karasuyî de ameye vînayene

Domano bi nameyê Rojhat Pîrîncîko ke vizêr Erzînganî de vindî bibî kişta Royê Karasuyî de bi hawayêko şikin merde ame vînayene

Domano bi nameyê Rojhat Pîrîncîko ke ker û lal bî, vizêr seba kaykerdişî bajarokê  Mercanî yê qezaya Tercanî ya Erzînganî de vejîya teber. Keyeyê Rojhatî ke badê vindîbîyayîşê domanê xo vejîya teber û heta saetanê serê sibayî domanê xo gêra. Keye dima ra seba vînayîşê domanê xo muracatê fermandarîya cendirmeyan da. La her çiqas ke xebatê vînayîşî bêrî kerdene zî Rojhatî ra tu xeberêk nêame girewtene.

Ewro serê sibayî cenazeya Rojhatî  hetê masegiran ra kişta Royê Karasuyî de bi hawayêko şikin merde ame vînayene. Badê cigêrayîşanê cayê hedîse cenazeya Rojhatî seba zanebîyayîşê sebebê mergî wedarîya Morgê Tibê Edlî yê Erzînganî.

Derheqê hedîse de tehqîqat dîya destpêkerdene. ERZÎNGAN