aram

Gorê Tutankamunî verê restorasyonî ame ramotene

Selahîyetdaranê Misirî gorê Tutankamunî yê bi zerrnawe verê restorasyonî nizdê Kahîre de ramot. No berhemo ercaye ke serra 1922 de amebi keşifkerdene do reya ewilêne bêro restorekerdene

Gorê Tutankamunî do berê Newala Şahan ê El Uksurî. Do gorê fîrewnê ciwanî muzeya pîle de pîya bi berhemanê bînan bêrê ramotene. Yeno pawitene ke muze verê serra 2020î bêro akerdene.

Restorasyon serê gorê Tutankamunî de nîmeyê menga temmuze de ame destpêkerdene û do qasê 8 mengan dewam bikero. Lahîto ke teberê ê zern o qasê 2,23 metreyî derg o.

Tutankamuno ke verê Mîladî serra 1333 de vejîyayo textî ser, fîrewno tewr namdar ê tarîxî yo. Tutankamuno ke mêrdeyê Nefertîtî û lajê Akhenatonî yo, 9 serrîya xo de vejîya serê textî û 10 serrî dima ra nêweşîye ra merd. KAHÎRE