aram

Partîyê kurdî eşkerayîyêka hempar dayî: Şer û îşxalî çareserî nîyê

HDP û partîyanê Kurdan vera hêrişê îşxalî yê artêşa tirkî nêrazibîyayîş ramot û veng da dezgehanê mîyanneteweyîyî û rayapêroyîye

HDP û partîyanê Kurdan vera hêrişê îşxalî yê artêşa tirkî yê vera Başûrê Kurdistanî û tehdîtanê vera Rojawanî Amed de eşkerayîyêka hempare daye.

Eşkerayîye ra tayî cayî wina yê: “Tirkîya û Îran Başûr û Rojawanê Kurdistanî de hêrişê xo yê Îşxalî hîra kenê. Tirkîya serranê 1980yî ra bi bihaneyê asayîşî teberê sînorî de operasyon virazena. Meseleya Kurdî ronayîşê Komare ra bi sîyasetê asayîşî çareser nêbîye do nêbo. Tersê Tirkîya û Îran oyo ke Başûr û Rojawanê Kurdistanî de Kurdî bibê dewlete, coka hêriş kenê. Sey heme şaranê bînan heqê Kurdan ê statuyî esto. Tirkîya hesabê îşxalê mendeyî yê xeta Efrîn-Qamişlo- Şendgalî kena. No  operasyono eskerî nê îşxal o. Îran zî bi waştişê îşxalî hêrişê xo dano domanyene. Kampa Mexmûrî ya ka binê pawitişê Neteweyê Yewbîyayeyî (NY) de roniştoxê ci binê zextî de yê.

Ma sey partî û têgêrayîşanê ke îmcayê ma cêr dê yê îşxalê vera Rojawanî û Başûrê Kurdistanî yê. Tirkîya û Îranî şermezar kenê û vanê ke ganî hêzê îşxalî cade peyser bêrê antene.  Sere de NY, NATO, Konseya Ewropa, Komîsyonê YE û sazgehê mîyanneteweyîyî ganî destûr nê îşxalî nêdê.  Şarê Îran û Tirkîya ganî vera hêrişê îşxalî vengê xo berz bikero. Şarê ma ganî destkewteyanê çar leteyanê Kurdistanî rê wayîr bivejîyo. Medya Kurdî ganî mabênê partî û sazgehanê ma de ziwanê cîyakerdişî ra dûrî vindere. Parlamentoyê Kurdistanî ganî 3ê Tebaxe sey Roja Qirkerdişê Êzidîyan îlan bikero. Şer û îşxalî çareserî nîyê.”

 

Îmzakarî:

Têgêrayîşê Azadîye

Partîya Herêmê Demokratîkî (DBP)

Kongreya Komela Demokratîke (KCD)

Demokratê Şorişgêrî (DDKD)

Partîya Demokratîke ya Şaran (HDP)

Partîya Azadîye û Merdimîye (PİA)

Partîya Komînîstî ya Kurdistanî (KKP)

Platformê Demokratî yê Kurdistan (PDK)

Partîya Azadî

Partîya Demokrate ya Kurdistanî – Tirkîye (PDK-T). AMED