Seba pawitişê Koyê Munzurî kampanyaya îmzayan

Merkezê Xeberan

Hemverê pêroyê Koyê Munzurî sey wareyê madenî îlankerdişî de kampanyaya îmzayan ameye destpêkerdene

Înternetî ser ra hemverê pêroyê Koyê Munzurî  yê Dêrsimî sey wareyê madenî îlankerdişî de kampanyaya îmzayan ameye destpêkerdene.

Kampanyaya ke adresê Change.org’î ser ra  ameye destpêkerdene demo kilm de nêzdîyê 3 hezar kesan îmza kerd. Kampanya de bale ame antene serê rîndîya xozaya Dêrsimî  û ame waştene ke wa Wezîrîya Dorme û Bajarîye qerarî îptal bikero.

Hetê bînî ra Weqfê  Pawitişê Cuya Xozayîye (WWF) Tirkîya bale ante  serê Munzurî. WWF Tirkîya hesabanê xo yê medyaya sosyale de bi etîketê #MunzuraDokunma (Nêzdîyê Munzurî mebe)  da zanayene ke sey Koyanê Kazî Munzur zî rîyê faalîyetanê madenî ra binê tehlukeyî de yo.