aram

Denîz Firate mezelê xo ser de ameye vîrardene

Rojnamegere Denîz Firata ke hetê çeteyanê DAIŞî ra ameyebî qetilkerdene, serrgêra şehadetê xo de ameye vîrardene

Denîz Firate ( Methîye Yildiztane) ya ke hêrişê DAIŞî yê 8ê Tebaxa 2014î yê Kampa Mêxmûrî de cuya xo vindî kerde,  qezaya  Ebaxe ya Wanî de gorê xo ser ameye vîrardene.

Vîrardişo ke bi rêzgirewtişî ame destpêkerdene merdim û embazê Firate yê rojnamegerî tewrê ci bîyî. Platformê Rojnamegeran ê Cinîyan ê Mezopotamya ra Hîkmet Tunçe vîrardiş de qisey kerd. Tunçe vist vîrî ke Denîz Firate vengê cinîyan ê ke hedefê hêrişê DAIŞî de yê dinya rê da eşnawitene û va: “Denîze cayanê pêkewtişanê tewr giranan de bi kameraya xo vernî de cayê xo girewte. Firate  mîrasê çapemenîya azade Mûsa Anter û Gurbetlî Ersozî girewt. Ma zî kameraya aye genê û mucadeleyê ci danê domnayene. Ma do cinîyan bi nasnameyê mexdûrî nê bi serkewtişê ci nuştiş rê dewam bikerê.”

Birayê Firate Seyat Yildiztanî zî vat embazanê Denîze çirey pênusê aye erd nêverda do meverdê zî. WAN 

Dikarî Biecibînî