Her aşme de 2 ziwanî vindî benî

Merkezê Xeberan

Neteweyê Yewbîyaye (NY) bi wesîleya Roja Şaranê Xoca yê Dinya eşkerayîyêk da û dîyar kerd ke zafaneyê ziwanê şaranê xoca bilez raşte rawedarîyenî û her sereyê 3 hewteyan de ziwanêk vindî beno. Her aşme de 2 ziwan vindî benî

Sekreterê Pêroyî yê Neteweyê Yewbîyaye (NY) Antonio Guterres bi wesîleya Roja Şaranê Xoca yê Dinya eşkerayîyêk weşêna û da zanayene ke her sereyê 3 hewteyan de ziwanêko xocayî vindî beno. Sekreterê NYyî Antonio Guterresî ard ziwan ke her ziwano ke vindî beno reyde hurmet, kultur û tarîx zî raşte ra wedarîyenî û wina va: “Rîyê dinya ser de 90 welatan de 370 şarê xocayî cuyenî û tewr zêde polîtîkayê cîyakerî înan ser de pê yenî. Şarê xocayî se ra 5ê nufusê dinya yî, la se ra 15ê merdiman ke polîtîkayê cîyakerî înan ser de yenî kerdene û tena marjînalkerdiş şaranê xocayî de pê yeno. Ziwanê ke her serre raşte ra wedarîyenî tena hetê kesê ke nêwazenî herra xo biteriknî ra yenî qiseykerdene. Her çiqas ke zafaneyê 6 hezar û 700 ziwanî hetê şaranê xocayî ra bêrî qiseykerdene zî her serre bi desan ziwanî vindî benî. Şarê xocayî temsîlê 5 hezar kulturê cîya-cîya yî. Sere de Brezilya, Kanada, DYA û welatê Asya, Afrîka, Okyanusya û Ewropa wazenî xo bigêrî, bi taybetî seba ke dest ronîyeno serê raşteyanê înan yê cuye tewr zêde înan ser de tehluke esto.”