aram

Bi wesîleya roşanî goristanî ameyî zîyaretkerdene

Bajaranê Kurdistanî de bi wesîleya roşanî goristanî ameyî zîyaretkerdene û semedê haştîye duayî ameyî wendene

Amed û xeylî bajaranê bînan ê Kurdisanî de goristanî ameyî zîyaretkerdene û semedê haştîye duayî ameyî wendene.

Partîya Demokratîke ya Şaran (HDP) Amed de goristanê Yenîşehîrî zîyaret kerd. Sey her serre emser zî zîyaretkerdişê roja erefe yê goristanî binê ablûqaya polîsan de ravêrt. Parlamenterê HDPyî yê Amedî Remzîye Tosûne, Semra Guzele û Mûsa Farisogullari, îdarekarê partîye yê bajarî û keyeyanê ke merdimê xo vînî kerd û xeylî kesî tewrê ci zîyaretî bîyî.

Dimayê wendişê duayan hemserekê HDPyî yê Bajarî Zeyat Ceylanî qisey kerd.  Ceylanî vist vîrî ke roşan bine versîya top û tifingan de yeno bimbarekerdene û va: “Şer heme şaran rê rijnayîş û mergî ano. Ma sey ke vizêrî  ewro zî vera şerî yê û ma do siba zî vera şerî bê. Heta ke haştîyêka mendeye û cuyeyêka bianore bêro na herre do mucadeleyê ma dewam bikero.”

Bado zî Parlamenterê HDPyê Amedî Mûsa Farisogullari qisey kerd. Farisogullari pêvînayîşo peyên ê Rayberê Şarê Kurdî Abdullah Ocalanî vist vîrî û va: “Rayberê Şarê Kurdî reyna semedê çareserîya meseleye û haştîye veng da. Menfeatê nê şerî ne şarê Kurdî ne zî şarê tirkî çîn o.”

Reyna Êlih, Merdîn, Şirnêx û xeylî bajaranê bînan ê Kurdistanî de bi tewrbîyayîşê parlamenteranê HDPyî goristanî ameyî zîyaretkerdene û semedê ameyîşê haştîye duayî ameyî wendene. Qiseykerdişan de bale ameye antene serê polîtîkaya hêrişkarê yê îqtîdarî  û ame vatene ke wa roşan bibo wesîleyê haştîye. AMED

Dikarî Biecibînî