aram

Hepsîyo nêweş Ergîn Aktaş gonî verişneno, rewşa ci giran a!

Hepsîyo nêweş Ergîn Aktaşo ke her di destê ci çîn ê û gonî verişneno zî rixmê raporanê ATKyî reyna nêno tehlîyekerdene. Pîrika Aktaşî Emîne Aktaşe va: “Veradê, ez biewnî lajê xo ra.”

Hepsîyo nêweş Ergîn Aktaşo ke her di destê ci çîn ê, rewşa ci çend şino granêr bena. Aktaşo ke gonî verişneno rixmo ke Dezgeyê Tibê Edlî (ATK) çar reyî raporê ‘nêeşkeno zîndan de bimano’ dayo ci nêno tehlîkerdene.

Pîrika Aktaşî  Emîne Aktaşa ke ANFyî rê qisey kerd,hemverê mergî rê  terkkerdişê tornê xo de hêrsê xo ard ziwan û va: “Ganî no îşkcence cade bêro qedînayene. Rewşa tornê mi çend şino xidar bena la rixmê naye nêweşxane rê nêno wedarnayene. Bi sebebo ke destê ey çîn ê nêeşkeno xoser îdare bikero. Di embazê ke cayê ey de her di zî sey ey nêweşê xidar ê yê zî nêeşkenê ci rê hetkarî bikerê. Her vînayîşî de ma vînenêke hîna helîyayo. No mi qehr keno. Rixmê raporan qey nêno tehlîyekerdene? Her di destê ci çîn ê. Nêeşkeno dermanê xo zî bîgêro. Qey hema zîndan de yeno tepiştene? Qey nêno tedawîkerdene? Wa veradî ez miqatê lajê xo bena. Wa Ergîn û heme tepişteyê nêweşî sebest bêrê veradayene.” STENBOL