6 aşman de 300 hezar koçberî derbazê ewropa bîyî

Merkezê Xeberan

6 aşmanê serra 2019î de 300 hezar koçberî derbazên welatanê ewropa bîyî. Zêdebîyayîşê hûmara koçberan ya welatanê ewropa Bruksel û paytextanê bînan kena mîyanê şikan

Welatanê pabesteyê Yewîya Ewropa (YE) serra 2019î de hûmara koçberan reyna zêdîyaye. Goreyê dayeyanê Ajansê Koçberan yê EASO yê Yewîya Ewropa 6 aşmanê sere yê 2019î de pêropîya 305 hezar koçberî koçê welatanê ewropa kerdî. Raporî de ame dîyarkerdeneke hûmara koçberan goreyê serra 2018î 10 qat zêdîyaya. Zêdebîyayîşê koçberan paytextanê welatanê ewropa keno mîyanê şikan

Serra 2018î de 586 hezar, serra 2017î de 655 hezar, serra 2016î de 1 mîlyon û 206 hezar û serra 2015î de zî 1 mîlyon û 257 hezar koçberî koçê ewropa kerdî û seba heqê cabîyayîşî muracatê welatanê Yewîya Ewropa kerdî. Mîyanê welatan de tewr zêde koçberî koçê Almanya kerdî.

Goreyê rojnameyê Alman Die Weltî aşma çeleyî ra heta aşma hezîrane pêropîya 100 hezar û 233 koçberî muracatê Almanya kerdî û heqê koçberîye waştî.

Dikarî Biecibînî