aram

PSAKD: Şima nêeşkenê bi destanê xo yê gonînan bikewî dergahanê ma!

Merkezê Xeberan

Merkezê Pêroyî yê Komeleya Kulturê Pîr Sultan Abdal (PSAKD) eşkerayîyêka nuştekî daye û reaksîyon nîşan daye serkêşê rêxistinê organîze Sedat Pekerî ke biçekan şî Tirbê Abdal Musayî. Eşkerayî de wina ame vatene: “Ey berê ma her kesî rê akerdeyo, la qestê ma her kesî qatil, çete, hêrişkarê zayendî û tecawizkarî nîyî.”

Merkezê Pêroyî yê Komeleya Kulturê Pîr Sultan Abdal (PSAKD) eşkerayîyêka nuştekî daye û reaksîyon nîşan daye serkêşê rêxistinê organîze Sedat Pekerî ke Antalya de biçekan şî Tirbê Abdal Musayî ser. Eşkerayî de ame vatene ke serkêşê rêxistinê organîze Sedat Pekerî Tirbê Abdal Musayî lêşin kerdo.

Dewamê eşkerayî de wina ame vatene: “Fotografê temsîlî yê Abdal Musayî de serê zerrîya ci de tîrek esta. No fotograf de mesajo ke dîynoma; Ma tîra ke erzîyena canêko bêpawitene bedenê xo de hîs kenî. Çeteyêko çekin şî dergahê ma. Çeteyo tescîlin Sedat Pekero ke pê AKP-MHPyî xo mird keno, tewrê adamanê xo yê çekinan bi hawayo bêrêzî Tirbê Abdal Musayî lêşin kerd. Ma kesê ke rî danî Sedat Pekerî baş şinasnenî. Kesê ke vatî ‘Ma do çirre çirre gonî biheriknî û xo pê gonîya şima bişuyî’ û kesê ke vatî ‘Doza Madimakî kewto verê demî, wa bixêrin bo’ yew î. Ey berê ma her kesî rê akerdeyo, la qestê ma her kesî qatil, çete, hêrişkarê zayendî û tecawizkarî nîyî.”