Îrande serra 2018î de 7 domanî ameyî dardekerdene

Berpirsîyarê Neteweyê Yewbîyaye yê Heqê Merdiman yê Îranî Cawîd Rehman da zanayene ke rewşa heqê azadîya fikir û heqê merdiman yê Îranî dewam kenî û Îran de peymeyê dardekerdişî xeylê zêdîya yo

Goreyê Cawîd Rehmanî Îran de 253 kesî serra 2018î de ameyî dardekerdene û mîyanê înan de 7ê ci zî domanî. Rehmanî da zanayene ke na hûmare goreyê serranê verênan kêmî ya, la hema zî dinya de rêza tewr vernî de ya.

Goreyê Rehmanî sebebê kêmîbîyayîşê dardekerdişî xo besteno sereraştkerdişê qanûnan yê serra 2017î de derheqê xebetnayîşê madeyê tîryakî de ame kerdiş. serra 2017î de 231 keaî madeyê tîryakî vera ameybî dardekerdene, labelê serra 2018î de seba eynî sebeban 24 kesî ameyî dardekerdene.

Berpirsîyarê Neteweyê Yewbîyaye yê Heqê Merdiman yê Îranî Cawîd Rehman dîyar kerd ke ê seba dardekerdişê domanan Îranî hişyar kerdî, labelê mîyanê domanê ke ameyî dardekerdene de 2 domanê 17 serrî ke sucê dizî kerdî zî estî. AMED

Dikarî Biecibînî