Ma mîrasê têkoşînî Şêx Seîd û Seyît Rizayî ra dewr girewt

Hemserekê HDPyî yê Qezaya Bismilî Refaî Barano ke tewrê Nobeta Demokrasîye ya ke vera tayînkerdişê qeyûman de dîya destpêkerdene bî û dîyar kerd ke sînorê zilmê çino û wina va: “Ma mîrasê xoverdayîşî Şêx Seîd û Seyît Rizayî ra dewr girewt.”

Wezîrê Karê Zerre Suleyman Soylu 19ê tebaxe de hemşaredaranê HDPyî yê Amedî, Wan û Mêrdînî wezîfe ra girewte û herinda înan de qeyûman tayîn kerde.  Badê tayînkerdişê qeyûman Heyetê Rayîrberîya Merkezî (MYK) ya Partîya Demokratîke ya Şaran (HDP) qerarê ‘Çalakîyê bêmaben’ girewt. Çalkaîyê Nobeta Demokrasîye 23 rojî yo ke Amed, Wan û Mêrdînî de dewam kenî. Çalakgeranê Nobeta Demokrasîye ra yew zî Hemserekê HDPyî yê Qezaya Bismilî Refaî Baranî yo. Baranî tewrê Nobeta Demokrasîye bî û reaksîyonanê xo ard ziwan ser. Hemserekê HDPyî û Mele Baranî dîyar kerd ke sînorê zilmî çin o û va: “Ma mîrasê xoverdayîşî Şêx Seîd û Seyît Rizayî ra dewr girewt. Sûreyê Nîsa yê Quranî de zilm nîno qebûlkerdene û heqê mazluman yeno pawitene. Pêxemberê ma vera zilmî de çonk nêrona. Ma zî ci ra bawer kenî. Bawerîya îslamîde cayê zilmî çin o. Polîtîkayê qeyûmî do têk şêrî. Ma mîrasê têkoşînî Şêx Seîd û Seyît Rizayî ra dewr girewt.” AMED

Dikarî Biecibînî