‘Ma camêrdan ra hîna zêde xebetîyenî la ê zêde yewmîye herînenî’

Sêrt de wextê çinitişê fistiqan dest pêkerd. Cinîyê ke fistiqan çinenî dîyar kerdî ke 75 lîre yewmîye danî cinîyan û 120 lîre yewmîye camêrdan û vatî: “Ma camêrdan ra hîna zêde xebetîyenî la ê zêde yewmîye herînenî.”

Sêrt de wextê çinitişê fistiqan dest pêkerd. Karkerî serê sibayîlez şonî mîyanê daranê fistiqan û heta şewe fistiqan çinenî. Karkerê camêrdî yê ke fistiqan çinenî roje de 120 lîre yewmîye herînenî û karkerê cinî zî 75 lîre herînenî. Karkerê ke fistiqan çinenî bale antî şert û mercê zehmetinan ke cuyenî ser.

Ş.S.ya 16 serrî ke fistiqan çinena şona lîse û karkerîya arêdayîşê fistiqan kena. Ş.S.ye dîyar kerde ke xelyê zehmetîyê karê înan estî û va: “Seba ke tîje nêdo ma rê ma heta serê çimanê xo zî padanî û bi no hawa fistiqan çinenî. Qasê ke ma ked danî qezenc nêkenî. Ez wazena biba hemşîre. Tîya de wendekarî zaf estî. Hedefê wendekaran oyo ke xercê mektebê xo bivejnî. Mekteb nêbo zî seba piştîdayîşê keyeyî xebetîyenî. Tîya de kedwerdiş zêde yo.”

No neheqî nîyo se çi yo

Hizna Kansuya (27) ke aye zî fistiqan çinena ard ziwan ke karkerê cinî hîna zêde raştê kedwerdişî yenî û wina dewam kerde: “Karkerê cinî di qatê camêrdan xebetîyenî û ked danî, la camêrdî di qatê cinîyan yewmîye herînenî. Her çiqas ke ma eynî karî bikerî zî cinîyî roje de 75 lîre yewmîye herînenî û camêrdî zî 120 lîre yewmîye herînenî. Tay cayan de camêrdî 150 lîre herînenî. No neheqî nîyo se çi yo. Sewbîna tu alternatîfê ma çin o ke bixebetî.”

Cinîyan ra tewr peynî Xezal Çîçeka 70 serrî qisey kerd û daye zanayene ke ê mecburê bixebetî û rewşa ferqê mabenê yewmîyeyan yê cinî û camêrdan ra zaf aciz î. SÊRT

This slideshow requires JavaScript.

Dikarî Biecibînî