Çeteyê DAIŞî: Ma Aksaray de ameyî tedawîkerdene

Çeteyê DAIŞî Fîlîstînij Îslam Ahmed Mûmammed Balûşa yo ke destê HSDyî de yo da zanayene ke dewleta tirkî seba DAIŞî xeylê hetkarîyan kerda. Balûşa dîyar kerd ke tewrê ci xeylê çeteyê DAIŞî neweşxaneyêko taybet yê Aksarayî ya Stenbolî de ameyî dermankerdene û polîsî zî înan rê hetkarî kerdî. Balûşa va: “Her kes baş zano ke Tirkîye maya grûbanê cîhadîstan a.”

Goreyê qalekerdişê çeteyê DAIŞî Îslam Mûmammed Balûşa bi nameyê qodî Talha El Cazzevîyî yo ke destê Hêzê Sûrîyeya Demokratîke (HSD) de yo Tirkîya ke heta 2015 eşkera paştî dayêne DAIŞî bado zî nê paştdayîşê ci dewam kerdo. Çeteyê DAIŞî Fîlîstînij Îslam Ahmed Mûmammed Balûşa yo ke destê HSDyî de yo da zanayene ke dewleta tirkî seba DAIŞî xeylê hetkarîyan kerda. Balûşa dîyar kerd ke tewrê ci xeylê çeteyê DAIŞî neweşxaneyêko taybet yê Aksarayî ya Stenbolî de ameyî dermankerdene û polîsî zî înan rê hetkarî kerdî.

Balûşa yo ke 2014 de tewrê DAIŞî bîyo, bi vîzê şino Tirkîya û ûca hetê DAIŞijan ra yeno pêşwazîkerdene. Balûşa vano ke gama ke o pîya bi embazêkê xo resayî Riha ûca di polîsan pasaportê înan kontrol kerdî û vato ‘Nika şirê tewrê DAIŞî bibê‘. Balûşayî ard ziwan ke bi edamanê bînan merkezê Riha de ameyî têhet û cara ravêrtî Sûrîye. Balûşa yo ke verî şino Kobanê dima ra ravêreno Reqa û yewîya Mûsab Zekavî de perwerde vîneno. Dima ra verê xo dano Ezazî û ûca birîndar beno û yeno berdene bi Bab û bado zî semedê tedawîkerdişî yeno berdenê bi Tirkîya. Balûşa Cerablûsî ser ra 2016 de şino Dîlok wextêk ûca maneno  bado zî şino Stenbol. Aksaray de nêweşxaneyêko taybet de yeno tedawîkerdene. Balûşa nameyê nêweşxaneyî nêzano la vano cayêko zaf merkezî bi û nêzdîya ci de Asayîşê Fatîhî estbi.

‘Tirkîya maya grûbanê cîhatkaran a’

Goreyê Balûşayî nêweşxane de her çî rêxistinkerde bi. Tena DAIŞijî çînêbî, sivîlan zî tedawî dîyêne. DAÎŞ’ijî bi erdîş û kincanê xo û bi her halê xo bewlîbî. Merdim vano qey, doktor û hemşîreyan zanayêne. Mumkun nîyo ke dewlete naye mezano. Balûşa tedawî ra dima nêzdîye nêweşxaneyî de keyeyêkê DAIŞî de maneno. Keye ra peye şino nêweşxane û yeno. Çeteyo bi nameyê Ebû Îbrahîm Turkî yo ke înan  rê eleqedar beno her tim bi qultifîngî gêreno û ge-ge maneyê ey de eseno. Balûşa rayêk hetê polîsan ra yeno girewtene û çend saete ra dima reyna yeno veradayene û belgeyêk yeno ci dayenêne ke û asan tê bigêro. Balûşa Adara 2017 de Dîlok ser ra agêreno Ezaz û ûca ra zî şino Îdlib û tewr peynî Hama de reseno çeteyan. Balûşa yo ke vano bi hezaran çeteyê DAIŞî Tirkîya de ameyî tedawîkerdene ûTirkîya sey maya grûbanê cîhatkaran name keno Teşrîna Verêne ya 2017 de teslîmê HSDyî beno. QAMIŞLO

Dikarî Biecibînî