Rojnameyê Akît Kirkayayî kerd hedef û dima ra dozger doze akerd

Badê ke rojnameyê Akîtî Rojnameger Kenan Kirkayayî kerd hedef, dozger derheqê Kirkayayî de bi îdîayê ‘propagandaya rêxistine kerdo’ doze akerd

Serdozgerîya Komarî ya Anqara derheqê Rojnameger Kenan Kirkayayî de bi îdîayê ‘Propagandaya rêxistine kerdo’ 32. Mehkemaya Cezaya Giran ya Anqara de doze akerde. Roniştişê doza Rojnameger Kenan Kirkayayî do 5ê kanûna 2019î de bêro vînayene. Serdozgerîya Komarî ya Anqara 31 temmuze de derheqê Rojnameger Kirkayayî de bi mehneya hesabê xo yê medyaya komelkî ser de xebere pare kerdo û psrekerdişê mabenê serranê 2014-2015î vera doze akerde. Dozger xeberanê bi sernameyê ‘YPG: Ma do Cereblusî azad bikerî’, KCKyî ra rayîrberanê xo yê herêmî û dewlete rê rexne’ û ‘Fermandarê PKKyî şerê vera DAIŞî de va’ îdîaname de sey delîl nîşan da û bi îdîayê ‘propagandaya rêxistine kerdo’ doze akerd.

Rojnameyê Yenî Akîtî badê ke Rojnameger Kenan Kirkayayî hedef nîşan da, dozger doze akerd. Derheqê Kenan Kirkayayî de 10ê kanûna 2018î de qerarê tepiştişî ameybî dayene. Labelê aye wext Kirkayayî keye de nêbî. Badê ke yew serrî Rojnameyê Yenî Akîtî Kirkayayî hedef nîşan da û dozger doze akerd. ANQARA