Gerîlayê HPGyî Tara Amed de ame definkerdene

Gerîlayê HPGyî Mûhammet Tarayo ke Dêrsim de şehîd bibi cenazeya ci badê 37 rojan keyeyê ci rê ameye teslîmkerdene. Cenazeya Tarayî Amed de ameye definkerdene

Gerîlayê HPGyî Mûhammet Tarayo ke 18ê temmuze  dewa Şakakî ya Dêrsimî de hêrişê hewayî de şehîd bibi, cenazeya ci badê gonîdayîşê keyeyî 37 rojî ra dima ameye dayene.

Keyeyê Tarayî vizêr cenazeya lajê xo Dezgeyê Tibê Edlî (ATK) yê Meletî ra girewte û binê teqîbê polîsan de berde taxa Şehîdlîkî ya qezaya Yenîşehîrî ya Amedî. Badê caardişê wecîbeyanê dînîyan cenazeya Tarayî binê ablûqaya polîsan de goristanê taxe de ameye definkerdene. Polîsan dekewtişê goristanî de nasnameyî kontrol kerdî û destûr nêdayî ke vîşêrê keyeyê Tarayî kesêk tewrê merasîmê cenazeyî bibo. DÊRSIM