Çewlîg de nêzdîya 100 domanî jehrî kewtî

Çewlîg de nêzdîya 100 domanî rîyê cîwa ya dibistanêk ra pê jehrî kewtî. Êyê ke rewşa înan a wedarîyayî Xarpêtî. HDPyî zîyaretê domanan yê ke nêweşxaneyî de yê û keyeyanê înan kerd

Çewlîg de nêzdîya 100 domananê ke pê jehr kewtî, yê ke rewşa înan giran a Xarpêt de yenê tedawîkerdene. Heyetê HDPyî ke nêweşî zîyaret kerdî, veng da Wezaretê Weşîye û waşt ke wa weşîya domanan rê nêzdî ra eleqedar bê.

Bajarekê Xoşkarî ya Çewlîgî de, wendekarê dibistane û dibistana mîyanêne ya Xoşkarî de 20ê Êlule de pê dejê sere û zereyî, viritiş, sûrbîyayîşê bedenî, û vêşayîş û kênayîşê çiman şîyê nêweşxane. Goreyê vatişan, wendekaran dibistan de cîwa dîye û pê kay kerd. Dima nêweşîya înan dest pêkerde. Hemserekê HDPyî yê Çewlîgî ra Veysî Kaya, Endamê Meclîsî yê Pêroyî yê Şaristanî Îmdat Morsumbul û endamanê meclîsî yê şaredarîye zîyaretê domanan ê nêweşxaneyeyî de û keyeyanê înan kerd.Keyeyanê ke domanê înan rîyê ciwa ra pê jehrî kewtî ard ziwan ke peygoşîyêka pîle esta, labelê nika rewşa weşîye ya domanan ê înan rê eleqadar benî.

Hemserekê HDPyî yê Çewlîgî Veysel Kayayî dimayê zîyaretê domanan ê nêweşxaneyî de û keyeyê înan pare kerd ke înan waştiş û qesawetê keyeyan goştarî kerdî û serebûtê jehrbîyayîşî tehlûkeyîno. Kayayî eşkera kerd, domananê ke rewşa înan giran a berdî nêweşxane û nêzdîya 100 wendekarî pê jehrî kewtî. Kaya ard ziwan ke mabênê di rojan de tayê domananê bînan zî bi qesawetê jehrbîyayîşî ameyî berdene bi nêweşxane. ÇEWLÎG