Çîn de beşê ziwanê kurdî yeno akerdene

Merkezê Xeberan

Konsolosê Çînî yê Herêma Federe ya Kurdistanî Nî Rûchî dîyar kerd ke ê hadreyî kenî ke unîversîteyêka gird yê Çînî de ‘Beşê Ziwanê Kurdî’ akerî

Komarê Şarî ya Çînî serranê peyênan de têkilîyanê xo yê kurdan reyde aver berda û Herêma Federe ya Kurdistanî konsolosxane akerde. Çîn na reye gamêko muhîm erzeno. Unîversîteyêka gird ya Komarê Şarî ya Çînî ‘Beşê Ziwanê Kurdî’ abena. Konsolosê Çînî yê Herêma Federe ya Kurdistanî Nî Rûchî ke 1 serr û nême yo Hewlêrî de kar keno û karê fermî yê Komarê Şarî yê Çînî rayîr beno derheqê babete de dîyar kerd ke ê hadreyî kenî ke unîversîteyêka gird yê Çînî de ‘Beşê Ziwanê Kurdî’ akerî û va: “Ma do aşma vernîya ma de Unîversîteya Salahaddînî de ‘Beşê Ziwanê Kurdî’ akerî. Ma do game ra dima unversîteyêka gird ya Çînî de zî ‘Beşê Ziwanê Kurdî’ akerî.”