2ê ci doman 3 ciwanê kurd yê ke ameyî lînçkerdene bi giranî birîndar bîyî

2ê ci doman 3 ciwanê kurd yê ke Çerkezkoyî de hetê grûbek ra ameyî lînçkerdene bi giranî birîndar bîyî

2ê ci doman 3 ciwanê kurd yê bi nameyê Azad Kenan Çelîko 17 serrî, Samet Şahîno 16 serrî û Cevat Şahîno 20 serrî ke Wanî ra yî, 3 rojî verê bi îdîayê Sûrîye ra yî, taxa Kizilpinarî ya qezaya Çerkezkoyî ya Tekîrdagî de raştê hêrişî grûbek ameybî û ameybî lîçkerdene. Goreyê malumatê ke ameyî herînayene, munakeşayê mabenê di kesan gird bîyo û dima ra agêrayo şer. Hedîse de hemwelatijî zî arê bîyî cayê hedîse. Grûba ke 5 kesan ra pêa meyêne îdîa kerde ke kesê ke ameyî cayê hedîse Sûrîye ray î û hêrişê Azad Kenan Çelîk, Samet û Cevat Şahînî kerde. 3 ciwanî bi kerdî ameyî birîndarkerdene.

Ambûlansê ke ameyî cayê hedîse birîndaran kerdî Nêweşxaneyê Dewlete yê Çerkezkoyî û sewqê beşê lezgînî ameyî kerdene. Ciwanî ewro beşê lezgînî ra ameyî vetene û dermankerdişê înan dewam keno.

Ame zanayene ke derheqê hedîse de tehqîqat dîyayo destpêkerdene û heta nika tu kesêk nêameyo tepiştene. TEKÎRDAG