Nobeta Demokrasîye ya Wanî roja 43ine de ya

Parlamenterê HDPyî Musa Farisogûllariyî tewrê Nobeta Demokrasîye ya Wanî ya ke verba destsernayîşanê şaredarîyan yena viraştene bi û ard ziwan ke eleqayê derbeya qeyûmî bi tecrîdê serê rêzdar Abdullah Ocalanî esto

Nobeta Demokrasîye ya ke dimayê tayînkerdişê qeyûman ê şaredarîyanê HDPyî yê Amed, Wan û Mêrdînî ameye destpêkerdene roja 43ine dewam kena. Çalakîya ke ver bînaya Partîya Demokratîke ya Şaran (HDP) ya Şaredarîya Qezaya Rayîrê Armuşî ya Wanî de dewam kerde de parlamaneterê HDPyî Murat Sarisaç, Mûsa Farisogûllari, hemşaredarê qezaye, aktîvîstê Tevgerê Cinîyanê Azadan (TJA) endamê Meclîsê Mayê Haştîye û xeylî hemwelatijî tewrê ci bîyî.

Çalakîye de pankarta ‘Îdareyê qeyûmî ney, îdareyê şarî’ ameye akerdene û bi slogana ‘Wa biciwîyo xoverdayîşê Wanî’ ameye vatene.

Parlamenterê HDPyî yê Amedî Mûsa Farisogûllariyî çalakîya ewroyîne de qisey kerd û wina va: “Na bloka faşîste nêeşkena îradeyê şarê Kurdî parçe bika. AKP-MHP kam yew roja ke îradeyê şarê Kurdî bivejo ver şerêkê verba îradeyê înan danê destpêkerdene. Verba destkewtişanê Rojawanê Kurdistanî amadekarîya pîle ya şerî kenê. La ganî bizanê ke no têkoşînê şarê Kurdî do ser bikewo. Derbeya qeyûmî bi tecrîdê verba Rayberê Şarê Kurdî Abdullah Ocalanî rê pabeste ya. Rayîrê peysererşawitişê qeyûman şiktişê tecrîdê Îmralî ravîyareno.”

Çalakîye ewro pê deyîra hunermend o ercaye Aram Tîgranî ya ‘Ay Dilberê’ qedîyaye. WAN 

Dikarî Biecibînî