Badê 4 aşman cenazeyê Kayran û Demîrî ameyî definkerdene

Cenazeyê 4 gerîlayanê HPGyî ra cenazeyê Yûsûf Kayran (Zinar Akro) û Omer Demîr (Serhildan Mazî) yê ke bejahîya qezaya Licê ya Amedî de pêkewtiş û bombardûman de şehîd bibî, Goristanê Yenîkoyî de ameyî definkerdene

4 gerîlayanê HPGyî ra cenazeyê Yûsûf Kayran (Zinar Akro) û Omer Demîr (Serhildan Mazî) yê ke operasyonê 3ê hezîrane de taxa Bayirli ya Licê ya Amedî de bombardûmananê teyaranê tirkî û pêkewtişan de şehîd bîyî, dimayê hetê keyeyan ra ameyî girewtene Goristanê Yenîkoyî de ameyî definkerdene.

Cenazeyî Nêweşxaneyê Cigêrayîş û Perwerdeyî yê Gazî Yaşargîlî de ameyêne vindertene. Keyeyan cenazeyî girewtî û polîsan reyde hetê Goristanê Yenîkoyî kewtê rayîr. Cenazeyê Kayran û Demîrî goristan de dimayê wecîbeyê dînî ameyî caardene ameyî definkerdene. Keyeyî, merdimî û şarî tewrê merasîmê cenaze bîyî. Binê dormegirewtişê polîsan de cenazeyî ameyî definkerdene.

Cenazeyî gerîlayanê HPGyî Îbrahîm Çelîk (Mahîr Andok), Yûsûf Kayran (Zinar Akro) Abdûllah Tûrhan (Reber Amed) û Omer Demîr (Serhildan Mazî) yê ke operasyonê 3ê hezîrane ê Amedî de şehîd bîyî, verî 44 rojî cayê pêkewtişî de erd mendî bado ke merdimanê şehîdan ceyê qewimîyayîşî ra cenazeyî girewtî na rey zi bi mengan o morgan ê Amed û Stenbolî de yenê vindarnayene. AMED 

Dikarî Biecibînî