7 domanê ke pê civa jehrî bibî beşê awarte ra ameyî vetene

Çewlîg de 7 domanî civayo ke mektebêk de akerde ameybî verdene ra tesîr bibî û wedarîyabî nêweşxane. 7 domanê ke jehrî bibî beşê awarte ra ameyî vetene û nika serwîsê asayî de yî

16ê êlule de Mektebê Seretayî yê Sancakî yê Çewlîgî de 100 kesî civayo ke akerde ameybî veradayene ra tesîr bibî û tedawîya înan hema zî dewam kena. 7 domanê ke Nêweşxaneyê Perwerde û Cigêrayîşî yê Unîversîteya Firatî yê Xarpêtî û Nêweşxaneyê Bajarî yê Fethî Sekînî yê Xarpêtî de tedawî vînayêne, beşê ewnîyayîşê awarte ra ameyî vetene û sewqê Nêweşxaneyê Nêweşîyê Domanan û Welidnayîşî yê Çewlîgî serwîsê asayî ameyî kerdene. Ame zanayene ke rewşa her 7 domanan zî baş a û goreyê netîceyê ke do roja Îne bêrî girewtene taburcî bibî.

Sewbîna het de ame zanayene ke tedawîya 5 mamosta û domananê bînan yê Nêweşxaneyê Bajarî yê Fethî Sekînî yê Xarpêtî û Nêweşxaneyê Nêweşîyê Domanan û Welidnayîşî yê Çewlîgî hema dewam kena. ÇEWLÎG

Dikarî Biecibînî